Zanter 1995 bewirtschaft d’natur & ëmwelt Sektioun Kanech-Lenneng e Wéngert vu ronn 60 Ar an der Réserve naturelle vum Kanecher Wéngertsbierg no de Prinzipie vun der biologescher Landwirtschaft. Ugebaut ginn Elbling, Pinot Noir a Pinot Blanc.

D’Riefstäck stinn op Terrassen, déi vun traditionellen Dréchemaueren gedroe ginn. Déi meescht Wéngertsaarbechte kënne sou just per Hand gemaach ginn.

Duerch dës Dréchemauere gëtt awer och e speziellt Mikroklima geschaf, an deem seele Planzen an Déieren iwwerliewe kënnen.