Am biologesch-Dynamische-Landbau gëtt Humusbildung am Buedem ënnerstëtzt. Dëst speziell duerch den Ubau vu Leguminosen – déi de Stéckstoff aus der Loft bannen – an duerch d’Ausbrénge vun organeschem Dünger souwéi Planzereschter, Déieremëscht a Kompost ginn d’Wierm an all déi aaner Buedemorganismen gefiddert. Desweidere gi Biologesch-Dynamesch-Präparater agesat, déi dat Ganzt harmoniséieren.

Dëst ass eng gutt Viraussetzung fir vill Liewen am Buedem unzereegen an doduerch gesond Planze fir Mënsch an Déier op eng natierlech Aart a Weis ze produzéieren.